Мбаппе босимга дуч келганми? "Реал" собиқ футболчиси Макронни танқид қилди

Хесе Эммануэль Макронни Килиан Мбаппе фаолиятига аралашгани учун танқид қилди. 

Аввалроқ, "Реал" собиқ ҳуэумчиси франциялик футболчининг 2021 йил февралида мадридликлар сафига ўтиш истаги ҳақида гапирганди. 

"Мен у билан бошқа гаплашмадим. Бироқ ҳаммаси аниқ эди. У "Реал"га ўтишни истаётганини менга айтган. 

Наздимда, бу профессионал босимдан кўра кўпроқ шахсий босим. Барча футболчилар қарор қабул қилади. Улар хато қилишлари ёки ўзгаларнинг қарорига рози бўлиши мумкин. 

Бошқа одамлар аралашмаслиги керак. Масалан, Франция президенти сизга: "Кетманг, қолишингиз керак", демаслиги лозим. У шахсий босимга дуч келган", - деди Хесе.