Мбаппе бундай вазиятга 3 йил олдин тушган эди
Унинг ишлари юришмаяпти.
ПСЖ кеча Франция чемпионатининг 20-турида "Анже"ни 1:0 ҳисобида енгди ва пешқадамга айланиб олди.
Эътиборлиси, парижликлар форварди Килиан Мбаппе бу сафар ҳам майдонни голсиз тарк этди. 22 ёшли француз кетма-кет 4 та ўйиндан буён гол ура олмаяпти.
Мбаппе сўнгги бор бундай ҳолатга 2018 йилнинг апрель-май ойларида тушган. Ўшанда ҳам, у қаторасига 4 та баҳсни голсиз ўтказган.
Аммо шунга қарамасдан, Килиан ҳозирда Франция чемпионатининг энг яхши тўпурари ҳисобланади. Унинг ҳисобида 12 та гол мавжуд.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар