Мбаппе чарчади

Килиан Мбаппенинг ПСЖда хотиржамлиги йўқолди. 24 ёшли ҳужумчи ўтган йили ёзда клуб билан янги шартнома имзолаганидан кейин кўп муҳокамаларга сабаб бўлмоқда.

Le Parisien нашрининг ёзишича, Мбаппе ўзини клуб лойиҳасидан устун қўяётганликда айблашларидан чарчаган.

Манбанинг таъкидлашича, Килиан ўзини жамоада асосий фигура, деб ҳисобламайди ва жамоадан устун эмаслигини яхши билади.

Аввалроқ, Килиан Мбаппе садоқати учун клубдан ҳар мавсум 60 миллион евро олиши ҳақида маълумотлар тарқатилган эди. Унинг амалдаги шартномаси 2025 йилнинг ярмигача тузилган.  Мбаппе ёзда “Реал”га ўтиб кетиши мумкинлиги ҳақидаги хабарлар тобора кўпайиб бормоқда.