"Мбаппе дунёнинг энг яхши футболчиси, Месси..."

ПСЖ спорт директори Леонардо жамоа юлдузи Лионель Месси ҳақида фикр билдирди.

"Унинг ПСЖ таркибида амалга ошираётган ишлари етарлича баҳоланмаяпти. Месси, Мбаппе, Неймар каби футболчилар алоҳида олганда ҳам жуда кучли. Бироқ улар бир жойга йиғилганида, катта кучга айланади. Муҳит яхши бўлса бўлгани.

Ҳозир Килиан дунёнинг энг яхши футболчиси, Месси ҳар доим бу даражада бўлиб келган. Менимча, ҳозир ҳам шундай. Одамларнинг танқиди нормал ҳолат. Ким кучлироқ эканини солиштириш мушкул. Боиси, уларнинг бири 23, бошқаси 34 ёшда",-деди Леонардо "L’Équipe"га берган интервьюсида.

Мбаппе жорий мавсум парижликлар либосида 24 гол ва 17 ассист муаллифига айланди. Мессида бу кўрсаткич мос равишда 7 ва 11 га тенг.