Мбаппе Франция чемпионатининг энг яхши тўпурари бўлди

ПСЖ форварди Килиан Мбаппе Франция чемпионатининг жорий мавсумдаги энг яхши тўпурар, деб топилди. Бу ҳақда L'Equipe нашри хабар тарқатмоқда.

Бу мавсум Мбаппе ва "Монако" форварди Виссам Бен Йеддер 18 тадан гол билан тўпурарлар пойгасида пешқадамлик қилаётган эди. Аммо, Бен Йеддер голларнинг 3 тасини пенальтидан ургани боис, Мбаппе тўпурар, деб топилди.

Лига 1 муддатидан аввал якунлангач, парижликлар чемпионлиги эълон қилинганди.