Мбаппе Франция терма жамоаси сардори бўлгани ҳақида гапирди

Франция терма жамоасининг юлдузли ҳужумчиси Килиан Мбаппе терма жамоада сардорлик боғичини олгандан кейин ўз ҳис-туйғулари ҳақида гапирди.

“Мен терма жамоа сардори бўлиш ҳақида ўйламагандим. Бош мураббий олдимга келиб, бу ҳақда шахсан ўзи айтди. Франция терма жамоасида сардорлик боғичини тақиш жуда катта масъулият”, - дея Мбаппенинг сўзларини келтиради "TF1".

Мбаппе Франция терма жамоаси дарвозабони Уго Льорис терма жамоадан кетганидан сўнг янги сардорга айланди. 24 ёшли форвард "уч ранглилар" сафида 68 та ўйин ўтказиб, 38 та гол урган.