Мбаппе марокашлик футболчининг ПСЖга ўтишига рухсат берди

"Фиорентина" ярим ҳимоячиси Софьян Амрабат Франция чемпионатига йўл олиши мумкин. 

"Tuttomercatoweb" нашри тарқатган хабарга кўра, "Пари Сен-Жермен" уни ўз таркибига қўшиб олмоқчи. Жамоа либосида тўп тепаётган Ашраф Ҳакими ҳамюртининг Парижга келишини қўллаб-қувватламоқда. Ўз навбатида, клуб юлдузи Килиан Мбаппе ҳам ушбу трансферга розилигини билдирган.

Марокашлик футболчи учун курашда "Тоттенхэм" ва "Ливерпуль" парижликларнинг рақиби ҳисобланади. "Фиорентина" Амрабат учун камида 30 миллион евро ишлаб олишни режалаштирган.

26 ёшли Софьян жорий мавсум флоренсияликлар таркибида 20 учрашувда майдонга тушди. Шунингдек, у Марокаш терма жамоаси билан Жаҳон чемпионати ярим финалига қадар етиб келишни уддалади.