Мбаппе Мессидан ўтиб кетди

Чемпионлар лигаси гуруҳ босқичи 6-турида ПСЖ ҳужумчиси Килиан Мбаппе "Истанбул" дарвозасини икки бор ишғол қилди.

Ўйиннинг 42-дақиқасида франциялик форвард пенальтидан гол киритди ва ЕЧЛдаги голлари сонини 20 тага етказиб олди.

Кечаги оқшомда 21 ёш ва 11 ойли бўлган Мбаппе турнирда ушбу натижага эришган энг ёш футболчига айланиб олди. Бу вақтгача рекорд "Барселона" ҳужумчиси Лионель Мессига (22 ёш, 8 ойли) тегишли эди.

Шунингдек, Мбаппе парижликлар сафидаги голлари сонини 100 тага етказиб олди.