Мбаппе нега “Реал”га телефон қилганди?

Килиан Мбаппенинг ПСЖдан кетиб, “Реал”га ўтиши энг кўп муҳокамаларга сабаб бўлаётган мавзу ҳисобланади.

Айниқса, парижликлар Чемпионлар лигасидан чиқиб кетганидан кейин ўз фикрларини баён қилган Килиан Мбаппе келажаги қандай бўлишини вақт кўрсатишини айтганидан кейин бу мавзуга қизиқиш янада кучайди.

Аслида ҳамма Мбаппе ўтган йили ёзда “Реал”га кўчиб ўтишини кутган эди. Лекин франциялик ҳужумчи ўз шаҳрида қолишга қарор қилди.

Marca нашрининг ёзишича, ПСЖ билан янги битим имзолаганидан кўп ўтмай, “Реал”га қўнғироқ қилган. У мадридликларга нега бундай йўл тутганини тушунтирган ва шартнома узайтиришдан пушаймон эканини очиқ айтган.

Ўшанда Мбаппе “Қироллик клуби” вакилларидан келажакда уларнинг ҳамкорлик режаси бор ёки йўқлигини ҳам сўраб олгани айтилмоқда.