Мбаппе нима учун ЖЧ-2022 финалидаги мағлубиятдан кейин йиғламаганини тушунтирди

Франция терма жамоаси ҳужумчиси Килиан Мбаппе 2022 йилги жаҳон чемпионати финалида Аргентинага қарши мағлубиятдан сўнг нега кўз ёши тўкмагани ҳақида гапирди.

«Кўпчилик мен умуман йиғламайдиган одамман, деб ўйлайди. Жуда кўп марта: “Нега ютқазилган финалдан кейин йиғламадинг?” деб сўрашган. Ўша пайтда менинг йиғлагим келмаган, холос. Ўзимни нокаут ҳолатида ҳис қилганман, реалликдан узилиб қолгандек эдим. Агар ростдан ҳам йиғлагим келганида, ҳис-туйғуларимни яширмаган бўлардим», – дея футболчининг сўзларини келтиради Le Parisien.

Эслатиб ўтамиз, 2026 йилги жаҳон чемпионати гуруҳ босқичидаги дастлабки ўйинда Франция терма жамоаси Сенегал жамоасига қарши майдонга тушади. Учрашув сешанба, 16 июнь куни бўлиб ўтади.