Мбаппе “Олтин тўп” учун асосий даъвогар ким эканлигини айтди

ПСЖ ҳужумчиси Килиан Мбаппе "Реал" ҳужумчиси Карим Бенземани 2022 йилги "Олтин тўп" учун фаворит деб билиши борасида гапирди.

“Карим 34 ёшда бўлса-да, ўтган йили фаолиятидаги энг яхши мавсумлардан бирини ўтказди: у Чемпионлар лигасида ғолиб чиқди ва жамоасининг бу муваффақиятида асосий фигурага айланди. Агар мен Каримнинг ўрнида бўлиб, ушбу соврин қўлга киритмасам, “Олтин тўп” ҳақида бир умр ўйламаган бўлардим”, - дея Мбаппенинг сўзларини келтиради “L'Equipe” нашри.

Кеча, 12 июль куни Мбаппе ҳам "Олтин тўп"га номзодлар рўйхатидан жой олди. Мукофотнинг амалдаги соҳиби Лионель Месси бўлиб, у бу йилги мукофотга номзодлар қаторига киритилмади.