Мбаппе ПСЖ бош мураббийига қарши исён кўтарди

ПСЖнинг "Реймс"га (0:0) қарши ўйинидан бир неча соат ўтгач, ҳужумчи Килиан Мбаппе ижтимоий тармоқларда пост қолдирди ва pivotgang хештегини қўйди (Мбаппе ўзини энг зўри деб ҳисоблайди).

Бундай хештег ПСЖ бош мураббийи Кристоф Галтьега қарши даъво ҳисобланади. Футболчи янги мураббий келганидан сўнг жамоадаги ролидан норози. Боиси, Мбаппе клубнинг биричи рақамли футболчиси номини қўлга кирита олмаяпти.

"L'Equipe" нашри хабарига кўра, бош мураббий футболчига ҳеч қандай чора кўрмоқчи эмас. Галтье футболчи билан ёлғиз суҳбатлашган ва ўртада ҳеч қандай тушунмовчилик йўқлигига ишонч ҳосил қилган.

23 ёшли Мбаппе жорий мавсумда Лига 1да 9 та ўйинда 8 та гол урди. 10-турдан сўнг ПСЖ 26 очко билан турнир жадвалида пешқадамлик қилмоқда.