Мбаппе ПСЖ таклифидан шокка тушди. Бунақаси “Реал”нинг қўлидан келмайди!

ПСЖ хўжайинларининг Килиан Мбаппени олиб қолиш учун сўнгги таклифи 23 ёшли ҳужумчини жиддий ўйлантириб қўйди.

Espanol.eurosport.com нашрининг хабар беришича, парижликлар ўз тўпурарига шартнома имзолаган тақдирда 300 миллион евро бонус ва йилига 100 миллион евро маош тўлашни ваъда қилмоқда.

Бу сумма “Реал”нинг таклифидан 2-3 баравар кўпдир.

Манбанинг таъкидлашича, Мбаппе ва унинг оиласи “Реал” ва ПСЖ таклифларини қабул қилиб олган ва ҳозирда музокаралар тўхтатилган. Бу ҳақда футболчининг онаси Файза Ламари хабар берди.

Гап Килиан Мбаппенинг ўзида қолди. У тез орада қайси жамоани танлаганини маълум қилиши керак.