Мбаппе ПСЖга 3 та шарт қўйди. Уларнинг бири - Неймарни сотиш!

Ҳужумчи Килиан Мбаппе ПСЖ раҳбариятига учта шарт қўйди. Агар клуб уларни бажарса, у жамоада қолади. Бу ҳақда Ok Diario нашри хабар бермоқда.

Унга кўра, Мбаппенинг биринчи шарти - бразилиялик Неймарни сотиш. Франциялик футболчи ушбу мавсумда жанубий америкалик юлдуз билан низоларга дуч келди. Шу сабабдан у Неймарни жамоада кўришни истамайди.

Иккинчи шарт – англиялик ҳужумчи Харри Кейнни сотиб олиш. Мбаппенинг фикрича, “Тоттенхэм” юлдузи парижликлар ўйинини янада кучайтира олади.

Учинчи шарт - бош мураббийни алмаштириш. Килиан жамоани Кристоф Гальте ўрнига Зинедин Зидан бошқаришини хоҳлайди.

Маълумот учун, 24 ёшли Мбаппенинг ПСЖ билан амалдаги шартномаси 2025 йилнинг ёзига қадар мўлжалланган.