Мбаппе “Реал”дан “даҳшатли” маош талаб қиляпти

“Реал” президенти Флорентино Перес ПСЖ тўпурари Килиан Мбаппе трансферидан умидини узгани йўқ.

Мадридликлар январь ойида бу масалани тўлиқ ҳал қилиб қўймоқчи. Клуб хўжайини франциялик ҳужумчи билан тўғридан тўғри алоқани ушлаб турибди.

Бир неча манбаларнинг таъкидлашича, томонлар ҳали маош борасида келиша олгани йўқ. Мбаппе ҳозир “Реал” етакчилари олаётган маошнинг икки бараварини талаб қиляпти. Маълумотларга кўра, “Қироллик клуби” етакчи ўйинчиларига 20 миллион еврогача йиллик мояна тўлаяпти.

“Реал” солиқларни чиқариб ташлаганда 26 миллион евро қўлга тегадиган қилиб маош бермоқчи.

Сўнгги маълумотларда айтилишича, “Қироллик клуби” Мбаппега фикрини ўзгартириш учун 15 январга қадар муҳлат берган.