Mbappe “Real”dan “dahshatli” maosh talab qilyapti

“Real” prezidenti Florentino Peres PSJ to‘purari Kilian Mbappe transferidan umidini uzgani yo‘q.

Madridliklar yanvar oyida bu masalani to‘liq hal qilib qo‘ymoqchi. Klub xo‘jayini frantsiyalik hujumchi bilan to‘g‘ridan to‘g‘ri aloqani ushlab turibdi.

Bir necha manbalarning ta’kidlashicha, tomonlar hali maosh borasida kelisha olgani yo‘q. Mbappe hozir “Real” etakchilari olayotgan maoshning ikki baravarini talab qilyapti. Ma’lumotlarga ko‘ra, “Qirollik klubi” etakchi o‘yinchilariga 20 million evrogacha yillik moyana to‘layapti.

“Real” soliqlarni chiqarib tashlaganda 26 million evro qo‘lga tegadigan qilib maosh bermoqchi.

So‘nggi ma’lumotlarda aytilishicha, “Qirollik klubi” Mbappega fikrini o‘zgartirish uchun 15 yanvarga qadar muhlat bergan.