Мбаппе Роналду ва Мессининг зўрлигини тан олди

ПСЖ клуби ва Франция терма жамоаси ҳужумчиси Килиан Мбаппе ўзининг даражаси ва мақсадлари ҳақида гапириб ўтди.

“Мен ҳеч қачон тарихдаги энг яхши футболчи бўламан, деб айтмаганман, лекин шу билан бирга, ўз олдимга ҳеч қандай чегара ҳам қўймаганман. Агар мен маълум бир даражага чиқсам ҳам, тўхташни хоҳламайман ва ҳеч қандай тўсиқларга эътибор қаратмайман.

Ҳар доим майдонга чиққанимда ўзимга ўзим энг зўри эканлигимни айтаман. Мен Криштиану Роналду ва Лионель Месси билан бирга ўйнадим. Тан оламан, улар футболчи сифатида мендан яхшироқ. Улар мендан кўра кўп ишларни уддалашди”, - деди Мбаппе.

Таъкидлаш керакки, 22 ёшли Мбаппе Роналду ва Мессидан фарқли равишда жаҳон чемпионлигини қўлга киритган. Аммо португалиялик ва аргентиналик юлдузлар Чемпионлар лигасида  бир неча бор ғолиб чиққан. Франциялик футболчининг ҳисобида ҳозирча ушбу соврин йўқ.

Фикрлар

Фикр қолдириш учун авторизациядан ўтинг!