Мбаппе шахсий рекордини янгилади

ПСЖ ҳужумчиси Килиан Мбаппе жорий мавсум барча мусобақаларда ўз ҳисобига 40 та гол ёздириб қўйди.

Кеча Франция чемпионатининг 37-туридан ўрин олган "Реймс"га (4:0) қарши ўйинда киритилган гол 22 ёшли франциялик футболчи учун мавсумдаги 40-гол бўлди. Opta нашри тарқатган хабарга кўра, Мбаппе шу тариқа ўзининг бир мавсумда энг кўп гол уриш бўйича 2018/19 йилги мавсумда (39) ўрнатган шахсий рекордини янгилади.

Мбаппе жорий мавсумдаги 40 та голнинг 26 тасини Франция чемпионатида, 6 тасини Франция кубогида ва 8 тасини Чемпионлар лигасида киритди.

ПСЖ 37 турдан сўнг Лига 1 мусобақа жадвалида 79 очко билан 2-ўринда бормоқда. Париж гранди пешқадам “Лилль”дан (80) 1 очко ортда қолмоқда.