Mbappe sirni ochib qo‘ydi

PSJ hujumchisi Kilian Mbappe “Real”dan tashqari boshqa klublar bilan ham muzokara o‘tkazganini tan oldi.

- Faoliyatimni davom ettirish uchun “Real” va PSJdan tashqari boshqa variantlar ham bor edi. Men “Liverpul” bilan ham jiddiy muzokaralarni o‘tkazdim, - dedi Kilian Mbappe The Telegraph nashriga bergan intervyusida.

Oxir-oqibat 23 yoshli hujumchi katta maosh va bonuslar, misli ko‘rilmagan vakolatlarni taqdim etgan Parij klubida qolishga qaror qildi va jamoa bilan uch yillik bitim imzoladi.

Kilian Mbappe joriy mavsumda barcha turnirlarda 46 ta o‘yin o‘tkazib, o‘z hisbiga 39 ta gol va 21 ta assist rasmiylashtirdi.