Мбаппе унинг устидан кулаётган Эмилиано Мартинеснинг ҳаракатларига реакция билдирди

"Пари Сен-Жермен" юлдузи Килиан Мбаппе Аргентина терма жамоаси дарвозабони Эмилиано Мартинеснинг провокацион хатти-ҳаракатларига муносабат билдирди.

Килианнинг фикрича, у бунга аҳамият бермаяпти. Чунки бу шунчаки унинг муаммоси эмас. "Менинг бу каби бефойда нарсаларга сарфлаш учун вақтим ва кучим йўқ",-деди франциялик футболчи журналистлар билан суҳбатда.

Маълумот учун, аргентиналик посбон Жаҳон чемпионати финалидаги Франция устидан қозонилган ғалабадан сўнг "уч ранглилар" етакчиси Мбаппенинг устидан турли хил усуллар билан кулаётганди. Улардан бири Мартинес чемпионликни нишонлаш вақтида Килианнинг юз сурати акс этган қўғирчоқни кўтариб олгани бўлди.