Мбаппе ва Холанд – бир жамоада!

Трансферларга ихтисослашган Transfermarkt портали экспертлари ҳар бир позиция бўйича энг қиммат футболчилардан иборат рамзий терма жамоа тузиб чиқди.

Агар амалда бу жамоани жамлай олиш имкони бўлса, барча совринлар уларга насиб қилган бўларди. Рамзий жамоанинг умумий қиймати 1,17 миллиард еврони ташкил қилди.

Дарвозадан 60 миллион еврога баҳоланган “Реал” посбони Тибо Куртуа жой олди.

Ҳимоя чизиғи Маттейс де Лигт (“Бавария”, 70 млн), Рубен Диаш (“Манчестер Сити”, 75 млн), Йошко Гвардиол (“РБ Лейпциг”, 60 млн) каби ўйинчилардан таркиб топди.

Ярим ҳимояга Педри (“Барселона”, 100 млн), Жамол Мусиала (“Бавария”, 100 млн),  Жуд Беллингем (“Боруссия Дортмунд”, 110 млн), Фил Фоден (“Манчестер Сити”, 110 млн) жойланди.

Ҳужум учлигига Винисиус Жуниор (“Реал”, 120 млн), Килиан Мбаппе (ПСЖ, 180 млн) ва Эрлинг Холанд (“Манчестер Сити”, 170 млн) қўйилди.