Мбаппе ва яна икки юлдуз: “Реал” супертрансферларга қўл урмоқда

Чемпионлик пойгасини “Барселона”га бой берган “Реал” ёзги трансферлар даврида катта харидларни амалга оширмоқчи.

Sky Sports нашрининг таъкидлашича, мадридликлар ҳар бир чизиққа биттадан юлдуз ўйинчини олиб келишни режалаштирмоқда.

“Қироллик клуби” раҳбарияти ҳужум чизиғида ПСЖ тўпурари Килиан Мбаппени кўрмоқчи. Майдон марказини “Боруссия” етакчиси Жуд Беллингем билан кучайтириш режаси бор. Ҳимоя чизиғини мустаҳкамлар вазифаси Европанинг энг тезкор футболчиларидан бири Альфонсо Дэвисга (“Бавария”) юклатилади.

Трансфер мутахассислари мадридликларнинг Беллингем билан келишуви ижобий якунланиши арафасида эканини таъкидламоқда. Рўйхатдаги футболчилар орасида Килиан Мбаппени олиб келиш осон бўлмайди.