Mbappe Zidanni ortda qoldirdi

PSJ hujumchisi Kilian Mbappe kecha Chempionlar ligasining 1/8 finalidan o‘rin olgan “Barselona”ga (1:4) qarshi o‘yinda xet-trik qayd etdi va EChL pley-off bosqichida eng ko‘p gol urgan frantsuz futbolchilari reytingida kuchli uchlikka kirib oldi.

Hozircha Mbappening EChL pley-off bosqichida kiritgan gollari 10 tani tashkil etadi. U bu borada "Yuventus" va "Real" klublarining sobiq yarim himoyachisi Zinedin Zidanni (8) ortda qoldirdi.

Kiliandan yuqori pog‘onalarni Terri Anri (12) va Karim Benzema (18) egallab turibdi.