Мбаппедан зўр футболчи бор!

“Реал” жамоасининг собиқ футболчиси Гути мадридликлар ҳужумчиси Винисиус Жуниорни ПСЖ тўпурари Килиан Мбаппе билан солиштирди.

Винисус Жуниор Карло Анчелотти қўл остида “Реал” ҳужумининг етакчисига айланди. Хусусан, Чемпионлар лигаси чорак финали дастлабки учрашувида мадридликлар бразилиялик футболчининг бир жуфт ассисти эвазига 2:0 ҳисобида зафар қучди.

Гути 22 ёшли футболчи ҳозирнинг ўзида жаҳон футболи юлдузига айланган Килиан Мбаппедан зўрлигини таъкидламоқда.

Айни пайтда Винисиус Жуниор Килиан Мбаппедан ҳар томонлама устун,  деб ўйлайман, - деди Гути El Chiringuito нашрига.

Винисиус жорий мавсумда “Реал” сафида 45 та учрашувда 21 та гол уриб, жамоадошларига 16 та голли пас узатди.