Мбаппега Англия суперклубидан қўнғироқ бўлди. Килианнинг жавоби қандай?

Килиан Мбаппенинг атрофидаги хабарлар оқими тобора кўпайиб бормоқда. 25 ёшли форвард фаолиятини қайси жамоада давом эттириш бўйича бир қарорга келиши лозим.

Таниқли журналист Франсуа Галлардонинг маълум қилишича, Килиан Мбаппега “Ливерпуль” бош мураббийи Юрген Клопп алоқага чиққан ва трансфер ҳақида фикр алмашган.

Манбанинг таъкидлашича, Килиан “Энфилд”га кўчиб ўтиш вариантига кўнмаган.

Айни пайтда ливерпулликлар Саудия Арабистонига кўчиб ўтиши кутилаётган Муҳаммад Салоҳ ўрнига жамоани ўз ортидан етаклайдиган фуболчи қидирмоқда. Юрген Клопп анчадан бери Килиан Мбаппени ўз жамоасида кўришни орзу қилади.

Мутахассисларнинг аксарияти немис мураббийи қўллаётган ўйин услуби Килиан Мбаппега мос тушишини эътироф этиб келади.