Мбаппега ўхшаши топилмаяпти

ПСЖ ҳужумчиси Килиан Мбаппе бугун бўлиб ўтган “Нант”га қарши учрашувда дублни расмийлаштирди. Футболчи ўзининг биринчи голини қарши ҳужумдан киритди.

“Opta” нашри маълумотларига кўра, 2015 йилнинг декабр ойида "Монако" сафида Франция чемпионатида дебют қилганидан бери Мбаппе қарши ҳужумларда 30 та гол урган. Бу ушбу даврдаги Европанинг топ-5 лигасидаги барча ўйинчилар орасидаги энг яхши кўрсаткич. Иккинчи ўриндан “Реал” ҳужумчиси Карим Бензема ва “Лестер” футболчиси Жейми Варди жой олган — икковида ҳам 15 та.

Маълумот ўрнида, бугун ПСЖ сафарда “Нант”га қарши баҳс олиб борди ва йирик 3:0 ҳисобида ғалаба қозонди.