Мбаппега "сирли" жамоа харидор

Мавсум охирига етиб бораётган сари ПСЖ юлдузи Килиан Мбаппе фаолиятидаги энг муҳим қарорни қабул қилиш онлари ҳем яқинлашиб келмоқда. 23 ёшли футболчи тез орада келаси мавсумни қаёси жамоада бошлашини аниқлаб олиши талаб этилади.

RMC Sport нашрининг маълум қилишича, ҳозир истеъдодли футболчи олдида фаолиятини давом эттириш учун учта йўл турибди.

Биринчи вариант сифатида ПСЖ билан янги битим тузиш эътироф этилмоқда. “Реал” таклифини қабул қилиб, Мадридга кўчиб бориш иккинчи йўл ҳисобланади. Маълумотларга қараганда, номи сир тутилаётган учинчи клуб пайдо бўлган ва бу жамоа хўжайинлари Мбаппе трансферини амалга ошириш учун қўлидан келгани қилишга, ПСЖ ва “Реал”ни рақобатда ортда қолдиришга тайёр.

Мбаппе 30 июнь куни эркин агентга айланади. Бироқ, у ҳали фаолияти бўйича бир қарорга келмаганини билдирди.