Мбаппени чарчатиб қўйишди

ПСЖ ҳужумчиси Килиан Мбаппе жисмонан толиқиб қолганлигидан шикоят қилмоқда.

- Мен ўзимни мавсум бошида эмас, аксинча 60-ўйинни ўтказаётгандек ҳис қиляпман. Одатда Чемпионлар лигасининг финалигача етиб келган футболчиларга таътил берилади. Бизда дам олиб, кучни тиклашимиз учун вақт бўлмади, - дейди Мбаппе.

Мбаппени шу кунларда яна бир муҳим учрашув кутиб турибди. У 28 октябрь куни Чемпионлар лигаси гуруҳ босқичининг иккинчи турида “Истанбул Башакшеҳир” жамоасига қарши майдонга тушиши керак.