Мбаппенинг жароҳати ҳақида маълумот берилди

ПСЖ бош мураббийи Луис Энрике “Марсель”га қарши учрашувда жароҳат олиб, биринчи бўлимнинг ўзида майдонни тарк этган Килиан Мбаппенинг аҳволи ҳақида маълумот  берди.

- Мбаппенинг жароҳати у қадар жиддий эмас. У оғриқни ҳис қилди ва шу боис ўйнаш осон бўлмади. Майдонни тарк этиш ақлли қарор эди. Ҳозир ҳаммаси жойида, жиддий муаммо йўқ, - деди Луис Энрике.

ПСЖ ўз майдонида ўтказилган учрашувда ашаддий рақиби “Марсель” дарвозасига жавобсиз тўртта тўп киритди.

Килиан Мбаппенинг ўрнини эгаллаган Гонсалу Рамуш иккинчи бўлимда рақиб дарвозасини икки маротаба ишғол қилди.