Мен билан ўйнаганлар орасида энг зўри барибир Роналду!

“Реал” плеймейкери Лука Модрич ўзи билан бир жамоада ўйнаган ўйинчилар орасида энг кучлиси ким эканини айтди.

- Мен билан бир жамоада ўйнаган энг зўр футболчи ким? Албатта, Криштиану Роналду. Унинг меҳнатга бўлган муносабати мени ҳайратга солган. У ҳар доим кўпроғини истайди.

Криштиану қўлида бор нарса билан қониқиб қолмайди. Бу ажойиб одат. Унинг ўзига ва жамоага қўядиган талаблари одамни ҳайрон қолдиради, - деди Лука Модрич.

Лука Модрич  ва Криштиану Роналду 2012-2018 йиллар давомида “Реал”да бирга тўп тепган. Хорватиялик ярим ҳимоячи ҳамон Мадридда ўйнаяпти. Роналду “Қироллик клуби”дан кетиб, “Ювентус” ва “Манчестер Юнайтед” шарафини ҳимоя қилди ва айни пайтда “Ан-Наср” футбллчиси ҳисобланади.