"Мен ғурур билан ҳаракат қилган МЮ умуман бошқа клуб эди!"

Англия Премьер-лигаси 33-туридан ўрин олган "Ливерпуль" - "Манчестер Юнайтед" учрашувида меҳмонлар шармандали ҳисобда мағлубиятга учради - 0:4.

Ўйиндан сўнг манчестерликлар афсонаси Рой Кин футболчиларни қаттиқ танқид остига олди. "Мавсум бошидагидек жаҳл қилмаяпман. Ҳозир бу тушкунлик, қайғу. Жамоага қаранг, на юрак, на руҳият, на етакчи ва на маҳорат бор. Ҳисоб у қадар ачинарли эмас. Ачинарлиси, "Ливерпуль" майдонда истаганини қилди.

Клуб раҳбарияти ҳам пароканда. Хўжайинларнинг мухлислар талаби билан иши йўқ. Бу мен ўйнаган "Манчестер Юнайтед" эмас. Мен ғурур билан ҳаракат қилган МЮ умуман бошқа клуб эди",-дея ўз фикрларини билдирди ирландиялик собиқ футболчи.

Маълумот учун, Кин "қизил иблислар" сафида 12 йил мобайнида ҳаракат қилган.