Мен ундан қўрқаман!

“Бавария” келаси мавсум олдидан ўз сафига “Ювентус” ҳимоячиси Маттейс де Лигтни қўшиб олишга жуда яқин турибди.

Туринликлар ҳам, футболчининг ўзи ҳам бу трансферни амалга ошишини истаяпти.

Янги марказий ҳимоячининг келиши мюнхенликлар ҳимочиси Дайо Упамеканони хавотирга солиб қўйди. Манбаларнинг таъкидлашича, франциялик футболчи рақобатда де Лигтга ютқазиб, захирада қолиб кетишдан қўрқяпти.

Упамекано асосий таркибга кира олмаса, йил охирида Қатарда бўладиган жаҳон чемпионатида қатнаша олмаслиги мумкин.

“Бавария” ортиқча харажатдан қутилиш учун Упамеканони сотиб юборишга тайёр. Бундеслига чемпиони ўз футболчиси учун 50 миллион евро сўраяпти.