Менга Месси керакмас!

“Манчестер Сити” етакчиси Кевин де Брюйне Лионель Мессининг жамоага келиши ҳақидаги саволларга жавоб қайтарди.

- Тўғрисини айтсам, менга умуман фарқи йўқ. Месси келса яхши, келмаса бизга керак эмас. Жамоамизда яхши футболчилар кўп ва улар билан ўйнаш менга ёқяпти, - деди Кевин де Брюйне.

Агар “Барселона” Мессини янги шартномага кўндира олмаса, аргентиналик ҳужумчи қишки трансферлар даврида бошқа жамоага ўтиш ҳуқуқига эга бўлади. “Манчестер Сити” раҳбарияти эса, агар имкон топилса, Мессини ўз таркибига қўшиб олишга тайёр эканини билдирди.