Месси - 2022 йилнинг энг яхши футболчиси деб топилди!

The Guardian талқини бўйича Лионель Месси 2022 йилнинг энг яхши футболчиси деб топилди.

Айтиш керакки, нашрнинг 2021 йилги рейтингида Аргентина терма жамоаси ва ПСЖ ҳужумчиси 2-ўринни эгаллаган эди.

ПСЖ клуби ҳамда Франция терма жамоаси ҳужумчиси Килиан Мбаппе эса 2022 йилги рейтингда 2-ўринда қайд этилди. “Реал” ҳужумчиси Карим Бензема эса кучли учликни якунлаб берди.

4-ўринда Эрлинг Холанд («Манчестер Сити») ва 5-ўринда - 37 ёшли Лука Модрич («Реал») жой олди.

Кучли 10 таликда, шунингдек, Кевин де Брюйне (6-ўрин, “Манчестер Сити”), Роберт Левандовски (7-ўрин, “Барселона”), Винисиус Жуниор, Тибо Куртуа (8 ва 9-ўрин, иккаласи ҳам – “Реал”) ва Муҳаммад Салоҳ (10-ўрин, “Ливерпуль”) қайд этилди.