Месси АҚШ телевидениесида рекорд ўрнатди

Етти карра “Олтин тўп” соҳиби Лионель Мессининг "Интер Майами"даги дебют ўйини Америка телевидениесида рекорд ўрнатди.

TyC Sports маълумотларига кўра, Флорида жамоасининг Лига кубоги доирасидаги "Крус Асул"га (2:1) қарши ўйинини 12,5 миллион киши томоша қилган. Бу эса Америка телевидениеси тарихида энг кўп томоша қилинган футбол ўйини сифатида қайд этилди.

Қайд этилишича, ушбу ўйин 2022 йилги МБА финалига қараганда кўпроқ томошабин йиғди. Ўшанда “Бостон” ва “Голден Стэйт” ўртасидаги ўйинни ўртача 12,4 миллион томошабин телевидение қаршисида кузатган.

Умуман олганда, Америка телевидениесида энг кўп томоша қилинган воқеа 2023 йилги Суперкубокдир. “Канзас-Сити” ва “Филаделфия” иштирокидаги ўйиннинг томошабинлари 115 миллион кишини ташкил қилади.