Месси Аргентина учун мутлақ рекорд ўрнатди

Саккиз карра "Олтин тўп" соҳиби Лионель Месси Аргентина миллий терма жамоаси сафида 117-голини урди. Бу маррага у Исландияга қарши ўртоқлик учрашувида (3:0) эришди.

71-дақиқада Месси пенальтини аниқ ижро этиб, ҳисобни 2:0 етказди. Шу тариқа, 38 ёшли аргентиналик юлдуз миллий жамоа таркибида ўтказган 199-ўйинида 117-голини урди. Бу Аргентина миллий терма жамоаси учун мутлақ рекорд ҳисобланади.

Умумий ҳисобда Месси профессионал карьераси давомида барча мусобақаларда 911 та гол муаллифига айланди. Шу голларан 672 тасини "Барселона"да, 32 тасини "Пари Сен-Жермен"да, 90 тасини "Интер Майами"да ва 117 тасини Аргентина терма жамоаси учун урган.

Аргентина терма жамоаси 2026 йилги жаҳон чемпионатида чемпионлик унвонини ҳимоя қилади. Месси бошчилигидаги терма жамоа мундиалнинг "J" гуруҳида Жазоир, Австрия ва Иордания футболчиларига қарши майдонга тушади. 

"ЖЧ-2026" АҚШ, Канада ва Мексика ҳудудида 11 июндан 19 июлга қадар ўтказилади.