Месси асисстентлик қилиш бўйича Санчога етиб олди
Каталониянинг "Барселона" клуби форварди Лионель Месси кеча "Реал Сосьедад"га (2:1) қарши бўлиб ўтган ўйинда ўз номига голли узатма ёздириб қўйишга эришди.
Шу тариқа 31 ёшли аргентиналик футболчи ўзининг Ла Лигадаги ассистлари сонини 13тага етказиб олди. Mister Chip нашри тарқатган хабарга кўра Месси айни дамда Европанинг кучли бешлик чемпионатларида тўп сураётган футболчилар орасида энг кўп ассистентликни амалга оширган “Боруссия” Дортмунд вингери Жейдон Санчога (13) етиб олди. Айни дамда ушбу икки футболчи топ 5 чемпионатларининг энг яхши ассистлари рўйхатида пешқадамлик қилишмоқда.
Маълумот учун, Месси жорий мавсум жами 43та ўйинда майдонга тушди ва ўз ҳисоибга 45та гол ҳамда 21та голли узатма ёздириб қўйишга эришди.
Фикрлар