Месси "Барса"дан устун эмас. У шартларимизга кўнмаса, клубдан кетади

"Барселона" президентлигига номзод Эмили Руссо "кўк анор-ранглилар" футболчиси Лионель Мессининг келажаги бўйича гапириб ўтди.

"Месси билан молиявий масалаларни муҳокама қилиб олишимиз керак. Ҳозир у олаётган маош бизнинг имкониятларимизга тўғри келмайди.

Лео клуб тарихининг энг яхши саҳифаларига ўз исмини ёзиб қўйди. У бизнинг афсонамиз ва унинг ҳурматини жойига қўйишимиз керак. Бироқ ҳозир вазият бошқача. Биз ундан маоши қисқаришига тайёрлиги ҳақида сўраймиз, агар у шартларимизга рози бўлмаса клубдан кетади.

Месси билан барчасини очиқчасига гаплашиб олиш зарур. Ҳеч қачон ҳеч кимни алдаб бўлмайди. Унинг қолиши учун барча ишларни амалга оширамиз, аммо клуб манфаатлари муҳимроқ. У "Барса"дан устун эмас.

Унинг қолишини хоҳлайманми? Албатта, аммо ҳар қандай нарх эвазига эмас. Унинг маоши клуб имкониятларига мос келиши керак.

Лео пулни биринчи ўринга қўймайди. У дунёнинг энг кўп маош олувчи футболчиларидан бири. Ўтган ёзда пул учун эмас, клубдаги муаммолар сабаб кетмоқчи бўлган эди. Ҳозир клуб етарлича рақобатбардош эмас. Шундай экан, унга яхши лойиҳа таклиф қиламиз, қарорни унинг ўзи қабул қилади", - дейди Руссо.