Месси “Барса”га ўтишдан қўрқдими?

ПСЖдаги фаолияти тугаган Лионель Мессининг кейинги жамоаси “Барселона” бўлиши кутилган эди. Бироқ, аргентиналик юлдуз Европани тарк этишга қарор қилди.

“Барселона” клуби президенти Жоан Лапорта Лионель Мессининг Каталонияга келмагани сабабларини ошкор қилди.

- Месси бизга “Интер Майами”га ўтишга қарор қилганини айтди. Чунки у Парижда мураккаб мавсувларни ўтказиб, катта босим остида қолган экан.

Майамида унга ҳеч қандай босим бўлмай ва хотиржам бўлиши, терма жамоадаги фаолияти ҳақида ўйлаши мумкин.

Месси “Барселона”га келишни истаган эди, бироқ яна бир йил катта босим остида ўйнашга кўнмади, - деди Жоан Лапорта.