Месси “Барса”га зўр ўйинчи топиб берди

“Барселона” келаси мавсум олдидан ҳужум чизиғини кучайтириш мақсадида учли форвард олишни мақсад қилган. Лионель Месси кетганидан бери каталонияликлар кўп гол ура оладиган футболчига эҳтиёж сезмоқда.

Анчадан бери футбол жамоатчилиги “Ливерпуль” билан янги шартнома бўйича келиша олмаётган Муҳаммад Салоҳнинг Каталонияга келишини кутяпти. Бироқ Лионель Месси собиқ клубига мисрлик ҳужумчи керак эмас деган фикрда.

Аргентиналик юлдуз “Барселона” раҳбариятига “Ливерпуль”нинг бошқа ҳужумчиси – Садио Манени олишни маслаҳат берди.

Каталонияликлар Мессининг маслаҳатига кўра, сенегаллик ҳужумчи вакиллари билан алоқага чиқди. Сўнгги маълумотларга қараганда, Мане фаолиятини “Энфилд”да давом эттиришга қарор қилган.

Тез орада Садио “Ливерпуль” билан келаси йили якунланадиган битимни янгилаши айтилмоқда.