Месси "Барселона"да яна бир тарихий рекордни янгилади

"Барселона" сардори Лионель Месси кеча Испания кубогининг 1/8 финал босқичидан ўрин олган "Райо Вальекано"га қарши ўйинда иштирок этди.

Каталонияликлар расмий сайтининг хабар беришича, 33 ёшли аргентиналик футболчи Испания кубогида энг кўп ўйин ўтказиш бўйича клуб рекордини янгилаган. Мадриддаги ўйин Месси учун мамлакат кубоги доирасидаги 76-ўйин бўлди ва у бу борада Жозеп Самитьерни (75) ортда қолдирди.

Бу борада кейинги ўринларни Андреас Иньеста (73), Висенте Пьера (71) ва Хави (70) эгаллаб турибди.

Лионель Месси жорий мавсум “Барселона” сафида жами 22 та ўйинда майдонга тушди ва ўз ҳисобига 14 та гол ҳамда 4 та голли узатма ёздириб қўйди.