Месси Барселонага кетди!

Етти карра “Олтин тўп” соҳиби Лионель Месси ПСЖ клуби раҳбарияти рухсати билан қисқа муддатга Барселонага йўл олди.

Манбаларнинг маълум қилишича, аргентиналик юлдуз бир неча кунлик таътилдан фойдаланиб, ўзига қадрдон бўлиб қолган Барселона шаҳрига ташриф буюради. Маълумотларга қараганда, Лео сафар чоғида “Барселона”даги дўсти Сеохио Бускетс билан ҳам учрашишни режалаштирган.

Ўтган йили августда “Барселона”ни тарк этган Месси жорий мавсумда муддатидан олдин Франция чемпионлигига сазовор бўлди. Айнан Леонинг голи ПСЖга бир очко ва чемпионликни тақдим этди.

Умумий ҳисобда Месси бу мавсум барча турнирларда 31 маротаба майдонга тушиб, тўққизта гол ва 13 та ассист муаллифи бўлди. Унинг ПСЖ билан шартномаси келаси йил ёзда якунланади.

Фикрлар

Фикр қолдириш учун авторизациядан ўтинг!