Messi “Barselona”ning o‘tgan mavsumdagi eng yaxshi futbolchisi deb topildi (foto)

“Barselona” va Argentina terma jamoasi hujumchisi Lionel Messi katalon klubining 2016/17 yilgi mavsumdagi eng yaxshi futbolchisi sifatida Aldo Rovira mukofotini qo‘lga kiritdi.

Ushbu sovrinni “Barselona” direktorlar kengasi sobiq a`zosi Juzep Lyuiz Messiga topshirdi.

Qayd etish joiz, Messi 2010 yildan buyon ushbu sovrinni 5-bor qo‘lga kiritmoqda. Argentinalik forvard  2010, 2011, 2013, 2015 yillarda ham ushbu mukofotni  qo‘lga kiritgan edi. 2016 yilgi sovrinni esa Luis Suares qo‘lga kiritgan  edi.

Ma’lumot uchun, o‘tgan mavsum Messi “Barselona” safida jami 52 ta rasmiy bahsda ishtirok etdi va 54 ta gol kiritdi.