Месси бешинчи марта "Олтин бутса"ни қўлга киритди ва янги жаҳон рекордини ўрнатди
Каталониянинг "Барселона" клуби форварди Лионель Месси Европа миллий чемпионатларида энг кўп гол урган футболчига бериладиган “Олтин бутса” совринини қўлга киритди.
Қайд этиш лозимки, 30 ёшли аргентиналик футболчи бу мавсум Ла Лигада ўз номига 34та гол ёздириб қўйишга эришди. Иккинчи ўринни эса “Ливерпуль” ҳужумчиси Муҳаммад Салоҳ эгаллади. Мисрлик футболчи ҳисобида 32та гол мавжуд.
Таъкидлаш керакки, ушбу “Олтин бутса” Мессининг фаолиятидаги бешинчиси бўлди. Бу эса янги жаҳон рекорди ҳисобланади.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар