Месси: “Биз ким эканлигимизни биламиз”

Лионель Месси Аргентинани финалгача етиб келишида ўзини катта ҳиссасини қўшиб келмоқда. У мундиалда 5 та гол ва 3 та ассист амалга ошириб, ушбу кўрсаткич бўйича биринчи ўринда бормоқда. Хорватия мағлубиятга учратилганидан сўнг ҳужумчи ўз фикрлари билан ўртоқлашди.

“Бу мен учун энг яхши жаҳон чемпионатми ёки йўқми билмайман. Аммо мен жуда хурсандман. Биз гуруҳдан чиқишимизга ишонгандик. Биз ким эканлигимизни яхши биламиз ва халқдан бизга ишонишларини сўраймиз,” деди ПСЖ ҳужумчиси.

“Бутун жаҳон чемпионати ажойиб ўтди. Биз нималарни бошдан ўтказмадик ва энди сўнги ўйинга бормоқдамиз. Бу биз хоҳлаган нарса. Қийин вазиятларда қолиб кетгандик. Бугун эса биз бахтлимиз. Бу одамлар ва мамлакатимиздаги барча инсонлар билан завқланмоқдамиз”, дея қўшимча қилди Месси

Лео ушбу кубокка 2014 йилги жаҳон чемпионатида ҳам яқин келган. Ўшанда немисларга мағлуб бўлиб, турнирнинг энг яхши футболчиси бўлганди