Месси бу борада Мбаппени ортда қолдирди

Аргентина терма жамоаси ҳужумчиси Лионель Месси Жаҳон чемпионати ярим финал доирасида Хорватияга қарши баҳсда пенальтидан гол урди ва Хулиан Альвареснинг голига пас берди. Месси бу мундиалдаги бешинчи голини урди ва учинчи голли узатмасига муаллифлик қилди.

Шу тариқа, Месси "гол+пас" тизими бўйича клубдаги жамоадоши Килиан Мбаппени ортда қолдирди. Унинг ҳисобида 8 очко бор. Франциялик форвард бу кўрсаткич бўйича 7 очкога эга ва унинг ҳисобида беш гол ва икки голга ҳаммуаллифлик бор.

Эслатиб ўтамиз, Аргентинаниннг финал босқичидаги рақиби бугун Франция ва Марокаш ўйинидан сўнг аниқ бўлади.