Месси: Бу иш бўлмаганида “Олтин тўп” менга тегмас эди

Ўз фаолияти давомида саккизинчи марта “Олтин тўп”ни қўлга киритган Лионель Месси мавсумнинг энг зўр футболчисига тақдим қилинадиган ушбу нуфузли соврин нега айнан унга берилганини изоҳлади.

- Жаҳондаги барча одамларга миннатдорлик билдирадиган сўзларим бор. Улар бутун фаолиятим давомида мени қўллаб-қувватладилар. Бу совринни айнан уларга, қолаверса, доим ёнимда турган оиламга бағишлайман.

Бу “Олтин тўп”ни Аргентина терма жамоасидаги ҳамкасбларим ва мураббийлар билан ҳам баҳам кўраман. Улар билан бирга қўлга киритилган жаҳон чемпионатидаги ғалабасиз бу совринга сазовор бўлишим имконсиз эди, - деди Лионель Месси.