Месси: Бу менинг охирги "Олтин тўп"им...

Аргентиналик ҳужумчи Лионель Месси "Олтин тўп"ни охирги бор қўлга киритганига ишонмоқда.

Эслатиб ўтамиз, кеча 36 ёшли форвард фаолиятида 8-марта "Олтин тўп"ни қабул қилиб олди.

"Олтин тўп" ҳақида узоқ вақтдан бери ўйламагандим. "Олтин тўп"ни қўлга киритиш мен учун ҳеч қачон биринчи ўринда бўлмаган, айниқса ҳозир, фаолиятим давомида эришган барча ютуқларимдан сўнг ва бошдан кечирган бошқа дақиқалар билан солиштирганда.

Ўйлашимча, бу менинг охирги “Олтин тўп”им. Мен эришиш мумкин бўлган ҳамма нарсага эришганимдан ва саккизта "Олтин тўп"ни қўлга киритган ягона футболчи эканлигимдан хурсандман", - деди Месси L’Équipe нашрига берган интервьюсида.