Месси дебют ўйинида супер гол уриб, "Интер Майами"га 3 очко тақдим этди

Лига Кубогидан ўрин олган "Крус Азул" - "Интер Майами" учрашуви бўлиб ўтди. Унда майамиликлар 2:1 ҳисобида ғалаба қозонди.

Дастлаб, Роберт Тейлор мехмонларни олдинга олиб чиққан бўлса, 65-дақиқада Уриэль Антуна ҳисобни тенглаштирди. Ушбу ўйинда Лионель Месси ўз дебютини амалга оширди. Ҳужумчи 54-дақиқада Бенжамин Кремачи ўрнига майдонга тушди. Серхио Бускетс ҳам Давид Руис ўрнига ўйинга қўшилди. 90+4 дақиқада Месси жарима зарбасидан ажойиб гол уриб, жамоасига ғалаба келтирди.

Шу тариқа, "Интер Майами" ғалаба қозонди. Клубни олдинда "Атланта Юнайтед"га қарши баҳс кутмоқда.