Месси: Дунёнинг энг яхши 11 футболчиси қаторига кириш мен учун катта шараф!
"Барселона" форварди Лионель Месси France Football нашри талқинига кўра, тарихдаги энг яхши футболчилар рўйхатига киргани борасида ўз фикрини билдириб ўтди.
“Дунёнинг энг яхши 11 футболчиси қаторига кириш мен учун катта шараф! Овоз берган ҳакамлар ҳайъатидан миннатдорман. Барча танланган футболчилар ва номзодларни табриклайман. Рўйхат ақлбовар қилмайдиган номларга тўла”, - деб ёзди Месси инстаграмдаги саҳифасида.
France Football нашри 140 та журналист ўртасида овоз бериш йўли орқали барча даврларнинг энг яхши рамзий терма жамоасини тузиб чиқди. Таркиб эса қуйидагича кўриниш олди: Лев Яшин — Паоло Мальдини, Франц Беккенбауэр, Кафу — Хави, Лотар Маттеус, Пеле, Диего Марадона — Криштиану Роналду, Роналдо, Лионель Месси.
Фикрлар