Месси ЕЧЛда энг кўп ўйин ўтказган Жанубий америкалик футболчига айланди

Кеча Чемпионлар лигаси гуруҳ босқичи 6-турида бўлиб ўтган “Барселона” ҳамда “Спортинг” (2:0) клублари ўртасидаги баҳсда каталонияликлар етакчиси Лионель Месси 61-дақиқада заҳирадан майдонга туширилди.

Эътиборлиси, ушбу учрашув 30 ёшли аргентиналик футболчи учун ЕЧЛдаги 121-ўйин бўлди. У бу борада Роберто Карлоснинг рекордини янгилади ва Жанубий америкалик футболчилар орасида 1-ўринга кўтарилиб олди.

Маълумот учун, ЕЧЛда энг кўп ўйин ўтказиш борасида кейинги ўринларни Дани Алвеса (106), Хавьера Занетти (97) ҳамда Хавьер Маскерано (96) каби футболчилар эгаллаб туришибди.